Platan heitir "lettuce & tomato" og gerði ég hana með Hungry and the Burger hattinum. Þegar við fluttum til útlanda tók ég ekki með mér nein hljóðfæri og þess vegha þurfti ég að nota það sem ég komst í. Úr því varð þessi hugmynd að gera lög með þeim hljóðfærum sem ég kemst í hverju sinni. Til dæmis fengum við gesti til okkar sem dvöldu hjá okkur í nokkra daga og með þeim komu bassi, melódikka og eitthvað annað skemmtilegt. En mér tókst að skella saman einu lagi með þessum hljóðfærum og úr varð lagið "ANTANT" svo notaði ég myndavélina til að taka upp djúkbox sem spilaði rispaða plötu í lúppu fyrir lagið "Cowboybox". Öll önnur lög á plötunni eru gerð með Akai riff-o-matic og Groovy tunes grand piano.

Þetta er fyrsta sóló platan sem ég gef út og er ég því afar spenntur fyrir þessu eins og sést á  myndinni hér fyrir ofan.

Plötuna má svo nálgast í öllum helztu verzlunum hér í miðbænum (Smekkleysu og Útúrdúr)

Ég lauma hérna með einu lagi sem er ekki á plötunni en verður á næstu.

Það sem ég kann líka vel við með vélina er að ég hef gríðarlega ánægju af því að hella varlega upp á hvern bolla og passa að ekki sé korgur undir síunni, að það sé rétt magn af kaffi og passa upp á að bollarnir séu heitir svo að kaffið kólni ekki um leið og það lendir í köldum bollanum. 

Auk þess þá slær þetta á ofvirknina í mér sem getur verið óþolandi fyrir þá sem heimsækja okkur. Þannig að í staðunn fyrir að vera að tromma á stofuborðinu, naga penna, hlusta ekki og búa til skutlu þá spjalla ég og nostra við að hella upp á kaffi á meðan, fullkomið!

Ég hef reyndar smá áhyggjur af því hvað ég er farinn að drekka mikið af kaffi en ég hætti ekki fyrr en þvag mitt verður dökkbrúnt.

Thög fyrir!

Ég og Lóa fluttum í nýja íbúð nýlega og höfum verið að koma okkur fyrir en vantar þó enþá nokkra hluti. Þeirra á meðal er DVD spilari og því hef ég verið mjög duglegur við að finna mér sjónvarpsefni á netinu í stað þess að horfa endalaust á sömu 3 DVD myndirnar sem ég á. Í þessari leit minni rakst ég á mjög merkilega þætti sem kallast Computer Chronicles, þættirnir fjalla um þróun tölvu tæni og taka í hverjum þætti fyrir eitthvað sérstakt viðfangsefni, til dæmis er þáttur sem nefnist Lasers and Computers en sá þáttur fjallar um CD-ROM og LASERDISC. Svo er annar þáttur sem nefnist Commodore 64 og fjallar semsagt um Commodore 64 tölvur

Það sem er sérstakt við þessa þætti er að þeir eru frá árunum 1983 til 2002 en skemtilegustu þættirnir að mínu mati eru frá árumun 1983 til 1990.

Stjórnandi þáttanna er maður að nafni Stewart Cheifet en meðstjórnandi þáttana er Gary Kildall, maðurinn sem bjó til CP/M sem varð svo til þess að MS-DOS varð til.

Þættina er hægt að nálgast frítt á archive.org